قروب النيسكا

منتدي يهتم بكل شي بشكل عام
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
المواضيع الأخيرة
ديسمبر 2018
الأحدالإثنينالثلاثاءالأربعاءالخميسالجمعةالسبت
      1
2345678
9101112131415
16171819202122
23242526272829
3031     
اليوميةاليومية
أفضل 10 أعضاء في هذا المنتدى
اتحادي موت
 
اسكالوب بدوة
 
بنت الاهلي
 
عاشق الزعيم
 
عاشقة سامر سعيد
 
Dr ahli
 
نيسكا تحتوحى
 
mena
 
hora
 
شدى العفاف
 

شاطر | 
 

 نكت ليبية....شد روحك من الضحك

اذهب الى الأسفل 
كاتب الموضوعرسالة
اتحادي موت

الادارة


الادارة
avatar

الإقـامـة : اكيد في قلب نادي الاتحاد

الجنس : ذكر

عدد المشاركات : 971

نقاط التميز : 4900

العمر : 28

المزاج : ماتفهمو شي


مُساهمةموضوع: نكت ليبية....شد روحك من الضحك   3/6/2009, 11:59 am

السلام عليكم..

نكت قوية,,

فلنبدأ بسم الله:

قالك في شيباني ,, بيشري سيارة ,, قالو له احسن حاجــة اشري مكسمـة ,,مش عادية بكل ثلاثيـن حصـان ,, اطير طيـران ,, المهم عمك الحويج خاطم في الطريق ,, و يلقى قدامـه صور و ايخش فيه ,, اتلقطوا عليه الناس ,, خير يا حويج لاباس شن صار ,, انزل من السيارة ايعيط الحويج ,, خزيه الشعب الكذاب ,, قالك ثلاثين حصـان ,, ما نقزش منهم و لا حصــان
----------------------------------------------------------------------------------------------------------


قالك فيه ثلاث صقور ,, امدايرين مسابقة من ايجيب اكبر فريسة ,, الصقر الاول امشي و ارجع منقاره دم ,, قال اتشوفو في الارنب الي تحت الشجرة ,, اني الي اقتلتها توا ,, امشي الصقر الثاني و ارجع ,, ,, وجه دم ,, قال اتشوفو في الغزال الي تحت الشجرة ,, اني الي قتلته توا امشي الثالث و ارجـع ,, كله دم ,, حاله ,, قال لهم اتشـوفو في البالوا الي غـادي ,, قالو له ايـه ,, قاللهم اني ما شفتاش ,, (خش في البالوا)
----------------------------------------------------------------------------------------------------------

قالك ابلة اتقري في فصل ,,امشي يوم قاتلهم غضوة كل واحد ايجبلي حيـوان ,, اي حيـوان ثاني يــوم واحد جــاب جده ,, قتله وين الحيـوان يا فرج ,, قلها اهو ,,جدي اكبر تمساح في الشارع
---------------------------------------------------------------------------------------------------------

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخها ,, قالك كيف يا بوي ,, قاله انخفها زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, الي عندك قرون ,, انت يا خروف يا زعيم يا الي عندك هلبة صــوف ,, على اساس ينفخ فيـه
----------------------------------------------------------------------------------------------------------

قالك في شيباني عنده سيارة دلاع ,, ماشي في الطريق على ايميـنه ,و و دوره يكسر طول على يساره ,, و يحشـيها السيارة ,,في سيارة شبيب ,, امشي انزل الشبيب قاله ــ تي خيرك يا حويج مش ادير فليتشـا ,, قاله الشيباني مش عارف امها ماشيـة للســوق
----------------------------------------------------------------------------------------------------------

قالك في اسـد جي قدام حمــار ,, و يمـنع ,, الحمـار شافـه ,, استغرب ,, المهم الاسد يوقف شوية ,, ايشوف الحمار اشبحله ,, يمنع ,, الحمار استغرب و ايشدها في جـرته و الاسد يجـري و الحمـار في جــرته ,, لين وصلو لي مغــارة الاسد ,, شن طلع ,, قالك الاسـودة يلعبـوا حصـلة في الري من يجيب حمــــار حي
---------------------------------------------------------------------------------------------------------
قالك في واحد سكـران ,, اركب سيارته ,, ما القاش الدومان و الفودرا و البضاعـة ,,استغرب اتصـل بالشرطـة ,, قال لهم السيارة انخنبت,, الفودار و الدومان و البضاعة مهناش,, جوه الشـرطــة ,, القـــوه راكب في السيارة من الكــرسي التلاني
---------------------------------------------------------------------------------------------------------
قالك واحد بطنه كبيرة ساقها برخصة درجة ثانية
---------------------------------------------------------------------------------------------------------

ثلاثة حرايمية خشوا لحوازة طلعلهم مولى الحوازة هكي مداير
لبدوا في شكاير خيشة .. مولى الحوازة استغرب شن فيهم الشكاير هذو !!؟
ضرب الشكارة الاولى برجله مشى الخانب قال: بقبقبقبقبوووق ... مولى الحوازة: آآآآه شكارة معبية دجاج
ضرب الشكارة الثانية برجله مشى الخانب قال: باااااااااع .. مولى الحوازة: آآآآه شكارة فيها خروف.
ضرب الشكارة الثالثة ما فيش صوت بكل .. مولى الحوازة استأنس طاح فيها بيديه و رجليه ... طلعله الخانب الثالث تي بطاطا النهار المبارك شن تبيني نقول !!؟
---------------------------------------------------------------------------------------------------------
واحد مسطول يزوق في حوشهم , خش عليه بوه قاله فرش جرايد تحتك يا ولدي, قاله عادي يابوي حتى هكي نلحق .؟
---------------------------------------------------------------------------------------------------------
قالك مرة فيه جماعة من مدينة غير ساحلية قالوا بنمشوا زردة للبحر ... هم مجموعة ولكن واحد منهم عنده مشكلة في لسانه (يعني وتوات) ...؟
الوتوات هذا معاه لفلوس متاع الزردة .. المهم في الطريق وهم ماشيين قاللهم
- " ان ن ن ان نن ان ان ان ان ان "
- " خيرك ياراجل قول شن فيه"
- " أن ننن أن ان ان ان ننننن"
- " إيه علينا عاد .. قول شن فيه ..."
المهم صاحبنا هوه أيونون لين وصلوا الشط .. بعدما نزلوا البضاعة .. قاللهم
= " ان ان ان انسيت لفلوس في الحوش"
- " وااااك علينا .. ليش ياراجل ماقلتش من الأول .. هكي تدير فينا "؟
المهم الجماعة رجعوا وفي الطريق قعد ايقوللهم
- " اننن اننن نننن ننن ننن نن نن "
- " لاحول ولا قوة إلا بالله ... قول يراجل .. شن فيه وانت اتوتوت .."
- " انن نن ننن نن ننن "
- " إيه علينا عاد ... أنطقها هالجوهرة "
المهم الجماعة وصلوا مدينتهم وهو قاعد أنن أأنن ننن
لما وصلوا منازلهم ونزلوا من السيارة قاللهم
" انن انن انن انن انبصر عليكم "!!!!!!؟

--------------------------------------------------------------------------------------------------------

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوة
طاح ساخ جوه جماعته إنوضوا فيه بعد ماناض قالوله
سني يارازل طحت من طرف بكلاوة ؟ قاللهم ماهو دربتوها من زيهة اللوزة
----------------------------------------------------------------------------------------------------------
ان شاء الله عجبوكم بس
تحياتي......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://group-alneska.ahlamuntada.com
اسكالوب بدوة
مشرف نيسكا عامة
مشرف نيسكا عامة
avatar

الإقـامـة : طرابلس

الجنس : ذكر

عدد المشاركات : 652

نقاط التميز : 4454

المزاج : تحب تفهم ادوخ


مُساهمةموضوع: رد: نكت ليبية....شد روحك من الضحك   4/6/2009, 2:39 pm

السلام عليكم
مشكور خوي علي هدى الموضوع الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اهلاويه حره
نيسكا نشيط
نيسكا نشيط
avatar

الإقـامـة : القلعة الاهلاويه

الجنس : انثى

عدد المشاركات : 100

نقاط التميز : 3606

العمر : 20

المزاج : فوق الريح


مُساهمةموضوع: رد: نكت ليبية....شد روحك من الضحك   8/7/2009, 11:31 am

هههههههههههه
شكرا موضوع جميل جدا ونكت اروع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة سامر سعيد
مشرفة الرياضة الليبية
مشرفة الرياضة الليبية
avatar

الجنس : انثى

عدد المشاركات : 326

نقاط التميز : 3946

العمر : 26

المزاج : مئه مئه


مُساهمةموضوع: رد: نكت ليبية....شد روحك من الضحك   13/8/2009, 11:49 am

ههههههه
يسلمووو كتير حلوة نكت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة روحي
مشرفة نيسكا للصور والالبومات
مشرفة  نيسكا للصور والالبومات
avatar

الإقـامـة : مدريد

الجنس : انثى

عدد المشاركات : 95

نقاط التميز : 3537

العمر : 27

المزاج : ميه ميه


مُساهمةموضوع: رد: نكت ليبية....شد روحك من الضحك   20/8/2009, 6:22 am

ههههههههههههههه

نكت ولا اروع

_________________
التوقيع:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت ليبية....شد روحك من الضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قروب النيسكا :: نيسكا لترفيه :: نيسكا للتسلية والمرح والفرقشة-
انتقل الى: